ERP a medida ou estándar: como decidilo

Un ERP estándar cobre o 80% do que fai calquera empresa. A pregunta é que pasa co 20% restante.

A resposta curta é que depende de se ese 20% é o que vos diferencia ou simplemente un costume.

Se é un costume, sae máis barato cambiar o costume que o software. Se é o que facedes mellor ca a competencia, metelo nun estándar adoita significar renunciar a iso pouco a pouco, release tras release.

Como o miramos nós. Primeiro listamos os procesos que de verdade vos dan vantaxe. Adoitan ser dous ou tres, non quince. Se o estándar os cobre, implántase o estándar. Se non, intégrase: o estándar para a contabilidade e o almacén, e desenvolvemento propio para o que vos fai distintos.

O que case nunca recomendamos é reescribir desde cero algo que xa resolve o mercado.